Return to site

الثقة الزائفة

· مقالات

فيه طريقتين وحشين جداااا الانسان ممكن يستعملهم عشان يحس بالثقة فى نفسه و يشعر بالرضا عن نفسه ويحس بالتفوق والعلو والأفضلية

الأولى هى حكايات الزهو والفخر
أنا عملت.. أنا سوّيت... أنا عندى 30 واحد بيشتغلوا تحتى... أنا أحسن واحدة فى كذا... احنا حلاوة العنتبلى
حكايات بلا نهاية عن إنجازاته وعظمته وعبقريته ونجاحه...
أما الثانية فهى النقد المستمر.. بسبب ومن غير سبب
مش مفروض تعمل كده... كان لازم تتصرف بالشكل ده... انت كده مش عارف تتصرف... وكمان بتقولى صباح الخير!
نقد شديد وضغط مستمر
طبعا الشخص ده اصلا عنده مشاكل فى تقديره لذاته
ولا أبالغ كمان لو قلت انه من أعمق أعماقه حاسس بالخزى وأنه قليل
وبشكل غير واعى بيحاول يعوّض ده بالطرق الغريبة دى
طيب الحل ايه؟
مفيش حل مباشر هيخليهم يتوقفوا
لكن فيه افكار هايلة بتساهم فى تخفيف المشكلة وتقليل حدة التوتر اللى بتشعر بيه لما تتعامل مع الاشخاص دى
ببساطة: ماتردش
بيحكى عن نفسه وعن انجازاته العظيمة
هز دماغك وابتسم وخلاص
بينتقدك ويطلع عيوب فى كل حاجة... برضو ماتردش
ماتحاولش تجادل ولا تدافع عن نفسك
أنت اصلا مش متهم فمفيش داعى تحط نفسك فى خانة المتهم
مهم جدا كمان تحتفظ دايما بثقتك فى نفسك
وبهدوء أعصابك وسلامك النفسى

All Posts
×

Almost done…

We just sent you an email. Please click the link in the email to confirm your subscription!

OK