Return to site

  استشارة شخصية

1-1 coaching

للشخصيات الحساسة

· كورسات

لو انتى الشخصية البسكوتة
اللطيفة زيادة عن اللزوم
الحبوبة اوى
اللى بتحب ترضى كل الناس
ومش بتقدر تزعل حد

ومش بتعرف تاخد حقها لو حد ضايقها
دايما بتبدّى رغبات الآخرين على رغباتها
دايما مش قوية فى مواقفها.. بتسكت و تفوّت
بتوافق على كل حاجة و مش بتقول لأ
حاسة انها مسئولة عن مشاعر الآخرين.. يعنى لازم يبقوا مبسوطين..

و لو حد متضايق يبقى دى مسئوليتها
مش بتظهر مشاعرها الحزينة.. بتخبيها و تسكت

من العلامات اللى ممكن تعرفي بيها اذا كنتي بسكوتة

  • مش بتعرفي تقولى لأ.. بتوافقي على أى حاجة
  • الناس بتضغط عليكي بسهولة...وبترضخي
  • كتير بتبرري وتعتذري...
  • لما اللى قدامك يبقى زعلان...بتحسي زى ما يكون انتى السبب
  • مش بتعرفي تواجهي
  • بتنبسطي جدا بالمدح
  • وبتخافي جدا من النقد
  • ومش بتتحملى المواجهة مع حد
  • ولا بتستحملى أن حد يبقى زعلان منك

طيب وشعورك ايه دلوقتى؟

 😥أكيد بتعانى


- ممكن يتم استغلالها بأسوأ الطرق... يتضحك عليها... تتظلم... تدور فى فلك حد ... تنسىنفسها.. تتجاهل احتياجاتها... تبقى مجرد ظل

- التوتر او الاكتئاب: للأسف الشخصية دى ضحية نفسها... بتفضل ساكتة و تيجى على نفسها فى كل حاجة سواء تستاهل او ماتستاهلش.. و النتيجة انها بتبقى عايشة فى عالم كئيب و جاف... محدش حاسس بيها... كله بياخد و محدش بيدّى... و النتيجة الطبيعية الاحساس بالقلق و الخوف و التوتر و الكآبة...

- غالبا مش بتحصل على الحب و الاحترام اللى تستحقه
ليه؟ مع انها لطيفة و كيوت جدا؟
يمكن للسبب ده تحديدا
لأن ماينفعش نبقى كيوت طول الوقت
لأنها مش بتاخد موقف ابدا لو حد أذاها او غلط فيها
و النتيجة الطبيعة ان الناس بتتمادى و تكسر كل الحدود

- ساعات الشخصية البسكوتة الكيوت دى... بتنفجر فجأة
بس ده بيحصل بعد وقت طويل من الضغط
كلنا عارفين ان الضغط بيولد الانفجار
تفضل ساكتة ساكتة ساكتة.... سنين... و بعدين تحصل الثورة العنيفة
ده مش بيحصل دايما.. لكن ساعات بيحصل

- أما اللى دايما بيحصل.. و خسارة من أكبر الخسارات... ان البسكوتة بتخسر نفسها.. بتخسر روحها الحقيقية ... بتفقد عفويتها... بتتصرف دايما بقناع.. زى ما الناس عايزين... أو زى ما هى عايزة الناس تشوفها

و الأسوأ من كل ده... انها دايما مستنية المدح و الإشادة و التقدير من الآخرين
لأن ده مصدر سعادتها الوحيد
و مصدر ثقتها بنفسها
و هنا الكارثة
ماينفعش ابدااااا يبقى مصدر سعادتك و مصدر ثقتك بنفسك... حاجة من براكى

حاجة ماتقدريش تتحكمى فيها
حاجة مرتبطة بالآخرين و برأيهم فيكى أو معاملتهم ليكى
 

ماينفعش تفضلى بسكوتة

عشان كده... البسكوتة لازم تتغير

بس أنا خايفة أتغير

ماتخافيش 😊

اللى محتاج يتغير حاجات معيّنة .. مش كل حاجة فيكي

كلنا فينا عيوب ولازم نحاول نعدّلها

وده مش معناه أننا هنفقد شخصياتنا وذاتنا

أو أننا نبقى نسخة من حد تاني

الفكرة ببساطة أنك هتتوقفي عن أنك تكوني بسكوتة متكسرة ومفتتة

وهتتحولي لفراشة

لسه جميلة ورقيقة.. لكنها فى نفس الوقت قوية ومنطلقة

لو عايزة تتحولي من بسكوتة متكسرة... لفراشة محلّقة

 

تعالى معايا فى رحلة لمدة شهر

استشارة شخصية

1 to 1 coaching

جلسات 4

مرة فى الأسبوع

هتلاقى حد يسمعك ويفهمك ويحس بيكى

هتلاقى حد يكلمك كلام من القلب.. مش كلام كتب جاف

هتلاقى خطوات واضحة عشان تتعلمى كل المهارات اللى انتى محتاجاها:

 

ازاى تبقى قوية وحاسمة فى المواقف اللى محتاجة ده

ازاى تثقى بنفسك بجد

ازاى تبطلى تتعلقى بالأشخاص

وتبطلى تطلبى رضاهم بأى ثمن

ازاى تحطى نفسك فى مقدمة أولوياتك

ازاى تعبّرى عن نفسك وعن آراءك ومشاعرك

ازاى تحطى حدود فى تعاملاتك مع الناس

وتمنعى الناس من الإساءة ليكى

ازاى تتعاملى مع المستغلين

ومع اللى بيبتزوكى عاطفيا

ومع المنتقدين


 

عشان تعيشى حياتك انتى.. مش حياة حد تانى

الاستشارة ممكن تكون حضور مباشر أو عن بعد

بقيمة 1200 جنيه لل 4 جلسات

لو عايزة تبدأى رحلة لتغيير حياتك من بسكوتة متكسرة.. لفراشة محلّقة

ابعتى لى رسالة على صفحة الفيسبوك

فى اللينك ده

https://www.facebook.com/imansalah.tanmeya/

All Posts
×

Almost done…

We just sent you an email. Please click the link in the email to confirm your subscription!

OK