Return to site

مشاكل الزوجات وحلولها من خلال بوصلة الشخصيات -2-

أهلا بكم من جديد وبنكمل مع المشاكل الزوجية وحلولها من خلال بوصلة الشخصيات

دى شكوى من سيدة بتقول فيها:

"جوزى بيحب يساعد كل الناس وبيدى اقاربه فلوس وهدايا بشكل مبالغ فيه،

حاولت كتير انصحه يتعلم او يقرأ او ياخد معايا كورسات مش مقتنع"

طبعا سهل جدا نعرف ان الزوج ده جنوبى

طيب المعلومة دى هتفيدنا بإيه؟

بحاجات كتير أوى:

أولا أنه لن يتوقف عن مساعدة الناس وعن اعطاءهم هدايا.. لأن دى طريقته فى إظهار حبه للناس، والسبب الأهم أن دى الطريقة اللى بتحسسه ان الناس بتحبه

ثانيا مفتاح زوجك هو انه يحس انه مقبول ومحبوب، يعنى طول ما انتى معترضة على تصرفاته هيبعد عنك وهيتقرب للآخرين من خلال المساعدات والهدايا عشان يسمع منهم التقدير اللى هو مفتقده

ثالثا كثرة النصح له بالتعلم والقراءة كأنها نقد مبطّن، او كأنها تعبير عن عدم استجسانك لشخصيته، وكأنه طفل صغير محتاج حد يوجهه يعمل ايه عشان يبقى كويس، وهو اكتفى بالرفض لأنه جنوبى لا يواجه، لو كان من نمط آخر كان هينفعل مش بس هيرفض.

والسؤال المهم هنا: ليه بعض الزوجات بيبقوا عايزين يغيروا ازواجهم؟

ليه مش متقبلة شخصيته زى ما هو خاصة انك لم تذكرى عيب خطير او اى مشكلة أصلا؟

ليه بتحاولى تنصحيه كتير وكأنك وصيّة عليه؟

تأكدى ان الأفكار دى كلها بتدور فى دماغه لكنه عاجز عن مواجهتك بيها..

وتأكدى أن ده بيعمل حاجز بينكم حتى لو الحاجز ده زجاجى فانتى مش شايفاه

لو عايزة تاخدى فكرة عن كورس البوصلة

التفاصيل فى اللينك ده 👇

All Posts
×

Almost done…

We just sent you an email. Please click the link in the email to confirm your subscription!

OK