Return to site

مشاكل الزوجات وحلولها من خلال بوصلة الشخصيات -3-

مشكلتى ان جوزى أنانى.. أنا عندى طموحات وهو مش بيشجعنى، المهم عنده ولاده وخلاص.

انا باشجع نفسى بنفسى وباعمل اللى انا عايزاه وباصرّ عليه.

فيه فرق بين مش بيشجعك وبين بيمنعك.

هل هو بس مش بيشجعك؟ هنا مقدرش اقول انه أنانى.

ده عادى للأسف، اغلب الازواج مش بيشجعوا زوجاتهم، ده مش صح لكنه مش دليل على الأنانية قد ما هو مشكلة مجتمعية سائدة.

أما لو بيمنعك من تحقيق طموحاتك يبقى هنا نفكر، هو بيمنعك ليه؟ انتى ذكرتى الولاد وقلتى ان ده كل اللى يهمه.. هل ده معناه انه شايف ان طموحك ممكن يؤثر على الولاد؟

غالبا ده السبب، وحتى لو هو معتقد كده بالغلط ممكن نتكلم معاه ونحاول نقنعه ان مفيش اى تأثير سلبى على الولاد.

لكن انتى قلتى انه بالرغم من عدم تشجعيه فاتى بتصرى وتعملى اللى انتى عايزاه، وده معناه انه مش بيمعنك.

يبقى اعتقد ان وصفه بالأنانى مش موفق. وكمان لم تذكرى اذا كنتى حاولتى تهدّى مخاوفه بخصوص الولاد.

انتى ذكرتى فقط إصرارك على عمل اللى انتى عايزاه.

طبعا ده يدل على شخصية شمالية قوية

والصفات الشمالية بتضمن لصاحبها النجاح فى العمل فى اغلب الأحوال.

ولكن يجب عليه الانتباه الى العلاقات ايضا

غالبا زوجك جنوبى بما أنه لم يدخل فى صراع معاكى

وده معناه انك محتاجة تنتبهى لاحتياجاته النفسية ولاحتياجه كرجل انه يحس انه كلمته مسموعة

مش معنى كده انك تنفذى كل ما يطلبه على حساب نفسك

المقصود هو عمل التوازن المطلوب، وماتحسسيهوش انك فى النهاية بتعملى اللى انتى عايزاه بدون ما تلتفتى لكلامه أو لمخاوفه

لو عايزة تاخدى فكرة عن كورس البوصلة

التفاصيل فى اللينك ده 👇

All Posts
×

Almost done…

We just sent you an email. Please click the link in the email to confirm your subscription!

OK