Return to site

ازاى تبقى أم أفضل؟

· مقالات

السر...؟! ................. كنت عايزة أكتب مقال عن ازاى تكونى أم أفضل؟ يعنى أقول نصائح للأمهات عشان تربى ولادها بشكل أفضل والبيت يبقى أهدا وكده... فضلت أفكر شوية فى نصائح وأفكار ومعلومات.... وجه فى دماغى حاجات كتيييييير كلها مفيدة جدا للأمهات نصائح للتعامل مع الأطفال وطرق للتوجيه والسيطرة على الغضب وتعديل سلوك الأطفال...... بس فى النهاية... لقيت حاجة واحدة بس أحسن من كل ده! أو خلينا نقول: قبل كل ده لأن الحاجة دى هى الأساس لو مش موجودة مش هاعرف أعمل كل ده وهابقى دايما تعبانة وغضبانة ومتوترة وحاسة بقلة الحيلة وحاسة ان ولادى مليانين عيوب وسلوكهم سىء وأنا مش عارفة أتصرف فى حاجة!!

النصيحة الواحدة دى هى: كونى انسانة سعيدة

بس كده؟! آه... هو ده الأساس لو عندك مشاكل فى حياتك، يا تحليها يا تتأقلمى معاها لو عندك حاجات حلوة فى حياتك مش شايفاها اتعلمى تشوفيها وتستمتعى بيها لو عندك أهداف حدديها بوضوح وابدأى اشتغلى عليها لو ايقاع حياتك صعب يا تسهليه يا تتعلمى تسترخى لو عندك توقعات عالية أوى ومش واقعية قلليها لو بتقلقى من كل حاجة اعملى اللى عليكى وبعدين سيبيها على الله وماتفكريش

حاولى قدر الإمكان تبقى هادية وراضية اعملى حاجات لنفسك اسعدى نفسك افصلى ارضى تعايشى اهدى روقى تقبّلى

ساعتها بس هتقدرى تطبقى النصائح التربوية لكن طول ما انتى تعبانة ومضغوطة.. هتفضلى تلفى فى دايرة الغضب والحزن والكآبة.. ومش هتقدرى تطبقى أى نصائح فى التربية نهاركم سعيد دمتم أمهات سعيدات

فى اللينك ده هتلاقى كورس ليا عن التربية

صغير وسهل لكن مفيد وعميق

على منصة يوديمى

وهيبقى ليكى خصم خاص لما تستخدمى الكوبون ده

GIFTFORYOU

All Posts
×

Almost done…

We just sent you an email. Please click the link in the email to confirm your subscription!

OK