Return to site

بوصلة الشخصيات

نظرة على الأنماط الأربعة

· مقالات

ينقسم البشر إلى 4 أنماط رئيسية حسب نظام البوصلة

شمالى- جنوبى- شرقى – غربى

كل شخص فينا بيميل لنمط معيّن ( بيبقى عنده الكثير من صفات هذا النمط)

و أيضا لديه نمط آخر فرعى

لذلك يقال مثلا: جنوبى شرقى ( اى نمطه جنوبى و يميل أيضا للصفات الشرقية)

أو شمالى غربى ( اى يغلب عليه النمط الشمالى و ايضا لديه صفات من الغربيين)

الشمالى:

الشمالى شخصية قيادية و قوية رائعة, بيحب يقود لأنه واثق من قدراته و من ذكاءه, و عارف انه دايما بيشوف الصح و بيقدر يعمله, حاسم و مبادر و فعلا يعتمد عليه, متحمل للمسئولية جدا, فعلا شخصية جديرة بالإعجاب.

بيحب الحسم والسيطرة

عنده قوة إرادة وقدرة على القيادة فى أصعب الظروف

واثق فى نفسه

لكن عنده بعض العيوب اللى لازم يحاول يسيطر عليها, مثلا التحكم والتمركز حول الذات, بيبقى صعب عليه شوية يفكر فى إحساس الآخرين. بيفكر فقط فى الصح اللى المفروض يتعمل ( من وجهة نظره) و مش بينتبه لمشاعر أو رغبات الآخرين.

و على العكس من الطباع الشمالية....

الجنوبى:

الجنوبى ده هو الكيوت الحبوب الطيب الغلبان ساعات, لطيف و ودود جدا و بيحب الناس

بيميل إلى الراحة والاسترخاء.

له نشاط اجتماعي واسع ( بيصاحب طوب الأرض 😊 )

مستمع جيد ومتعاطف، عشان كده الناس بتحبه وترتاح له

ولا يميل للصدام مع الآخرين

متعاون وكريم وصبور وهادى

لكن عيبه انه تنقصه الإرادة و القيادية, اعتمادى و متذمر و أحيانا ضعيف الشخصية

الشرقى:

الشرقى ده الدقيق المنظم الراسى الراكز اللى عايز كل حاجة صح و على أكمل وجه

مش بيحب يندمج مع الناس

بيركز فى التفاصيل جدا وبيحلل كل حاجة

متحمل للمسئولية جدا

متحفظ فى كلامه وفى تصرفاته وتقليدى جدا

الدقة والنظام والتخطيط مهمين جدا عنده

بس ساعات من كتر دقته بيضغط على اللى حواليه لأن معاييره عالية جدا, و بيبقى مش قادر يتقبل الاختلافات بين البشر لأن وجهة نظره واحدة و محددة.. ده غير أنه هو نفسه بيتعب من كتر التفكير والتحليل

الغربى:

المغامر الجامح الجرىء المبدع, شخصية جذابة جدا

مش بيحب من المخاطر، بيحب المغامرات

اجتماعى ومرح ومتحرر

مبتكر جدا وعنده أفكار لا تنتهى

شعلة حماس وسعادة وفرفشة

لكنه أحيانا متهور و مندفع و كل همه يجرّب حاجة جديدة من غير مايحسبها صح

.........................................................

ازاى أقدر أستفيد من البوصلة؟

البوصلة بتعرفنى طباعى

وطباع الآخرين اللى باتعامل معاهم

بتعرفنى هم شايفيننى ازاى

ايه اللى بيضايقنى منهم ... وليه

وايه اللى بيضايقهم منى ... وليه

وازاى أقدر أتعامل مع كل نمط

وكمان ازاى أقدر أطوّر شخصيتى

 لو عايزة تتعرفى على  المزيد من أسرار البوصلة 

ولو عايزة تعرفى تتعاملى ازاى مع الزوج الشمالى الشرقى الصعب الطباع

هتلاقى كل ده فى كتيب بى دى اف مليىء بالأسرار والأفكار والنصائح

👇   هنا

 

All Posts
×

Almost done…

We just sent you an email. Please click the link in the email to confirm your subscription!

OK