Return to site

  4 - ​مشاكل الزوجات وحلولها من خلال بوصلة الشخصيات

أعمل ايه مع الزوج كثير الانتقاد؟ أرد ازاى على انتقاداته اللى هى مش موجودة أصلا! مهما أبرر أو أحاول أفهمه أنه غلط بيفضل ينتقد ودايما شايفنى كلى عيوب ومقتنع بكده تماما.

حاسة بيكى وعارفة ان ده شعور مؤلم

الزوج غالبا شمالى شرقى وده بيكون كثير الانتقاد وكثير الاعتراض ودايما بيواجه الآخرين بعيوب ممكن تكون فيهم وممكن ماتكونش فيهم!

لو حاولتى ترضيه طول الوقت مش هتقدرى، لأن الشخصية دى بتبقى بطبعها متطلبة جدا ودقيقة جدا ونمكية جدا ونقادة جدا و بتعرف تطلع الغلطة اللى وسط مليون حاجة صح..

ولو حاولتى تبررى وتردى وتعترضى هتبقى انتى الغلطانة وانتى اللى بتجادلى وانتى اللى عنيدة ( طبعا ده إسقاط لأن النمط ده هو اللى من صفاته أنه عنيد ومجادل)

ولو حاولتى تخليه انه يتوقف عن النقد للأسف صعب أنه يتوقف،
بيبقى طبع متمكن منه فعلا
وساعات بيبقى شخصية وسواسية مش متصور ازاى ترتبى الأطباق بالشكل البشع ده؟! لازم الطويل ورا والقصير قدام
بيبقى فعلا غصب عنه

طيب الحل ايه؟

أولا لازم تعرفى ان انتى مفيش مشكلة عندك.. هو اللى عنده مشكلة فى ملاحظة العيوب أو فى كثرة النقد أو فى عدم المرونة... يعنى أهم حاجة ماتخليش طبعه ده يفقدك الثقة فى نفسك ويحسسك انك فيكى حاجة غلط.
ثانيا ماتحاوليش ترضيه ( باتكلم طبعا عن الطلبات المبالغ فيها والتصرفات الوسواسية وطلب الكمال..) وماتتوقعيش انه هيتوقف لأنه غالبا مش هيعرف.. الهدف حاجة تانية خاااالص.. الهدف انك تقدرى تعيشى فى سلام وماتخليش طبعه ده يدمر سلامك النفسى.


ساعات هتحاولى تحتوى الموقف..

ساعات تريحيه لو تقدرى...

ساعات تحاولى توصلى لمكسب مشترك ( win win)..
و طبعا ضرورى تتعلمى بعض العبارات اللى بتردى بيها على الانتقادات بحسم لكن من غير عدوانية
وكمان تحاولى تتفهمى مشكلته وتعرفى انه غالبا مش قاصد يضايقك.. هو اصلا تعبان من الداء اللى عنده ده جدا بس مش عارف يعمل غير كده

تذكرى أن أهم حاجة تحافظى على حاجتين:

ثقتك فى نفسك

وسلامك النفسى

لو عايزة تاخدى فكرة عن كورس البوصلة

التفاصيل فى اللينك ده 👇

All Posts
×

Almost done…

We just sent you an email. Please click the link in the email to confirm your subscription!

OK