Return to site

5 حاجات تساعدك لو انتى الشخصية البسكوتة

· مقالات

1- اهتمى باحتياجاتك ومشاعرك ... هتلاقى نفسك بتعطى بجد وبحب
خديها قاعدة.. اللى مفتقد احتياجات ومشاعر أساسية ومهمة... مش هيقدر يدّى بحب
عشان تكونى أم كويسة.. لازم الأول تبقى انسانة سعيدة وسوية
عشان تكونى زوجة كويسة... لازم الأول تبقى انسانة سعيدة وسوية

2- لما تحطى حدود فى علاقاتك.. هتلاقى علاقاتك بتتحسن:
للأسف تهاونك مع بعض الناس ساعات بيشجعهم يتمادوا بشكل غلط
فبتستمر الدايرة الرهيبة...
الشخص ده يسىء ليكى
وانتى مشاعرك تتشحن ضده سلبيا
وبمرور الوقت تلاقى العلاقة ساءت جدا
انما لو حطيتى حدود صحية من الأول.. هتلاقى علاقاتك بقت أفضل

3- ثقي فى نفسك:
حتى لو بتتعرضى للنقد... حتى لو حاسة ان فيه حاجات كتير قدراتك مش قادرة عليها..
حتى لو بتشكّى ساعات فى كفاءتك...كلنا بيجيلنا لحظات ضعف
لحظات ثقتنا فى نفسنا بتتهز
المهم.. انك دايما تقاومى
وتعرفى ان ربنا ادّاكى كل المقومات انك تكونى فى أحسن حال

4- انتى مش مسئولة عن مشاعر الآخرين:
اللى متنرفز.. انتى مش مسئولة انه يهدا
اللى حزين.. مش انتى سبب حزنه ولا بإيدك انه يفرح
طبعا لازم تفضلى لطيفة ومراعية للمشاعر وجدعة... بس مش لازم تضحى بنفسك عشان الآخرين يبقوا سعداء

5- حطى نفسك فى مقدمة أولوياتك:
نظمى يومك حسب الأنشطة المهمة اللى انتى محتاجة تعمليها
اعملى توازن بين الواجبات اللى عليكى تجاه الأسرة والبيت والأبناء... وبين الواجبات اللى عليكى تجاه نفسك
تخرجى.. تاكلى أكل صحى.. تقرأى كتاب.. تتكلمى مع صديقة.. تعملى حاجة بتفرحك
.................................................................................
عايزة تعرفى أكتر عن البسكوتات وازاى تتغير
فى اللينك ده

All Posts
×

Almost done…

We just sent you an email. Please click the link in the email to confirm your subscription!

OK