Return to site

التعافى من آلام الماضي

· مقالات

تكلم عن التعافى من آلام الماضى لأن ناس كتير مهتمة بالموضوع ده

==================

احنا متفقين أن فيه حاجات كتير بتحصل لنا بنبقى مش راضيين عنها وملناش يد فيها

وممكن نحس أننا كانت قاسية أو أننا اتظلمنا ....

الأحداث اللى بتحصل دى ممكن تكون مش باختيارنا، ممكن نكون مسيّرين فيها

وحتى لو كان فيه جزء من المسئولية علينا فهى عدت وراحت لدرجة أن خلاص مفيش معنى أننا نتكلم عن مسئوليتنا أو أننا نجلد ذاتنا على اللى حصل

المطلوب مننا دلوقتى نبص من وجة نظر مختلفة

آه اللى حصل أنا مقدرش أغيره

آه اتفرض عليا وكان قدر وحصل

لكن أنا لسه عندى اختيار

أنا لسه عندى حرية

حريتى هنا أنى اختار هاتعامل ازاى مع الحدث ده؟

هيفضل مأثر عليا إلى أى مدى؟

هافضل طول عمرة عايشة فى حالة حزن أو غضب أو احساس بالظلم...؟

ولا هاتجاوز اللى حصل وهابدأ أبص لقدام؟

الفكرة كلها فى ال mindset ده

فى احساسى أنى أسيرة للماضى؟ ولا انى هاكمل حياتى بالرغم من اللى حصل؟

طيب هاكمل وانا لسه متألمة وكل يوم افتكر اللى حصل واحكى للناس على الظلم اللى شفته؟

طيب مش باحكى لحد عشان مش بحب حد يشفق عليا او يشوفنى ضعيفة.. لكن باشفق أنا على نفسى وبافتكر كل شوية واستعيد الذكريات وأحس بالغضب وبالألم والخذلان...؟

النقطة الجوهرية كلها هى فينا احنا من جوه

فى أفكارنا

فى طريقة تعاملنا مع الموقف

فى تقبل القضاء والقدر، والايمان بأنه كله مكتوب، مهما كان صعب عليا

وفى النظرة الايجابية للمستقبل، مهما كان الماضى مؤلم او قاسى او ظالم..

لازم أطلع بره السجن ده وأتجاوزه

لازم أدرك أنى عندى حرية الاختيار

وان الحكمة انى ماضيّعش المستقبل كمان

كفاية الماضى

All Posts
×

Almost done…

We just sent you an email. Please click the link in the email to confirm your subscription!

OK