Return to site

علامات انك بتتعرضى لابتزاز عاطفى

· مقالات

الابتزاز العاطفى من أكتر الحاجات اللى بتتعب نفسية الانسان جدا

وبالرغم ان الطبيعى ان العلاقات تبقى حاجة جميلة فى حياة أى انسان

إلا ان الشخص اللى بيتعرض لابتزاز عاطفى بيعانى بسبب العلاقة دى

ممكن الابتزاز العاطفى ييجى من أى حد

ممكن الزوج.. أو الأم.. أو الزوجة.. أو الصديقة.. أو المدير...

هاقوللك دلوقتى مجموعة من العلامات تعرفك اذا كنتى بتتعرضى لابتزاز عاطفى:

1- الخصام الطويل كنوع من العقاب لما ماتنفذيش اللى هو عايزه.. مايتكلمش.. مايردش على التليفونات

2- يحسسك بالذنب ويحمّلك كل الخطأ.. يحسسك أد ايه انتى سيئة ( زوجة سيئة.. ابنة عاقة.. موظفة فاشلة....صديقة أنانية...)

3- يلعب على ثقتك بنفسك.. ينتقد شكلك أو قدراتك أو آراءك أو ذكاءك...

4- يهددك ... بالانفصال.. بالبعد.. بالهجر...بالطرد...

5- أحيانا بيستخدم النعومة والإغواء: مثلا المدير يوعدك بترقية لو نفذتى أوامره... الزوجة تحسس جوزها أنها هتريحه جدا وهتخليه أسعد واحد لو سمع كلامها... الأم تقول لابنها أنه هيبقى ابنها حبيبها البارّ لو عمل اللى هى عايزاه...

تعملى ايه لو لقيتى انك بتتعرضى لابتزاز عاطفى فى إحدى علاقاتك؟

- خليكى فاكرة ومتأكدة انك مش مسئولة عن احتياجات حد ولا مشاعر حد... انتى مسئولة انك تعملى الصح فقط

- اعملى حواليكى فقاعة واقية.. من الثقة بالنفس .. ثقتك بنفسك هتحميكى من حاجات كتير أوى

- اتعملى تفصلى نفسك عن الدراما اللى حواليكى.. يعنى ماتتأثريش أوى بالنقد أو الخصام

عايزة تعرفى أكتر عن ازاى ننمى الثقة بالنفس ونحط حدود فى تعاملاتنا مع الآخرين

شوفى اللينك ده

All Posts
×

Almost done…

We just sent you an email. Please click the link in the email to confirm your subscription!

OK