Return to site

بسكوتة

online workshop

 

· كورسات

شخصية قوية وواثقة من نفسها .. وعلاقات متوازنة

خطوات عملية عشان تتوقفي عن إرضاء كل الناس..وتبدأي ترضي نفسك وتعتني بيها

وتسعدي الناس.. بس تسعدي نفسك الأول

وتكوني على طبيعتك من جديد

  • تعبتي من كتر ما بتحاولي ترضي كل الناس
  • وللأسف بترضيهم دايما على حساب نفسك
  • تعبتي من كتر ما بتدي وحاسة انك بتدي ومش بتاخدي
  • طول الوقت بتضحي
  • طول الوقت بتراعي مشاعر غيرك
  • بتحطي دايما أولوياتهم قبل أولوياتك
  • واهتماماتهم قبل اهتماماتك
  • وبتوافقي على كل اللي عايزينه عشان ماتزعليش حد
  • و يمكن كمان ظهر في حياتك ناس بتستغلك وتستغل طيبتك
  • مش قادرة تعبري عن اللى انتي عايزاه
  • حتى مش قادرة تعبري عن مشاعرك
  • ومع ذلك دايما عندك إحساس بالذنب وإحساس بالتقصير

!!

تعبتي من كل ده وحاولتي تعملي حاجة؟

حاولتي تزودي اهتمامك بالناس وتزودي عطاءك عشان تريحيهم وتقللي شعورك بالذنب والمسئولية.... لكن لقيتي انك بتغرقي زيادة

أو ممكن حاولتى تتصرفي وكأنك واحدة قوية وواثقة في نفسها...بس حسيتي ان انتى نفسك مش مصدقة نفسك..وكأنك بتمثلي

حاولتى كذا مرة تلفتي نظر اللى حواليكي لمشاعرك وأحاسيسك واحتياجاتك...بس للأسف مفيش نتيجة

حاولتي توقفي الناس اللى بتستغلك عند حدهم.. بس ما قدرتيش

حاولتي تستعطفيهم وتحسسيهم أنك ضعيفة ومحتاجة عطف...لكن مفيش فايدة

لو حياتك فيها توتر وقلق.. وتحديات في العلاقات

وحاسة انك مش لاقية نفسك..والناس مش حاسين بيكي

تعالي نتكلم بالتفصيل ونعالج المشكلة دى في 3 خطوات واضحة ومحددة:

المرحلة الأولى هى: الثقة بالنفس

ليه؟ لأن المشكلة ساعات كتير بتبقى فى عدم تقديرنا لنفسنا

من جوانا مش مقتنعين أننا نستحق

ولو انتى مش مقتنعة أنك تستحقي كل حاجة كويسة.. محدش هيقتنع

المرحلة التانية هى: تحقيق الذات

خطوة أكبر فى طريق إحساسك بقيمتك وزيادة ثقتك.. لما تبدأي تستغلى كل إمكانياتك صح..وتحققي إنجازات مهما كانت بسيطة.. بس بتعبر عنك و عن شخصيتك

المرحلة التالتة هى : حدود العلاقات

ازاى تحطي قواعد لعلاقاتك مع الناس..

امتى تقولي آه وامتى تقولي لأ..

تحددي ايه اللى تقبليه وايه اللى ترفضيه..

ازاى توقفي الإساءة وتمنعي الاستغلال

أنا مين؟

د. إيمان صلاح

هاحكى لك قصتى باختصار واقوللك انا مين وباعمل ايه

من وأنا صغيرة بحب أفهم الناس وأحلل شخصياتهم وسلوكهم

ولما بقى عندي أطفال

حسيت انى عايزة اقرأ ازاى اتعامل معاهم صح

و كنت باتعلم كل ده عشان أطبقه مع ولادى فقط

لكن فى مرحلة معينة جاتلى فكرة: ليه مافيدش أمهات غيرى باللى تعلمته ده؟!

وبدأت أدرس فعلا بشكل ممنهج

وحسيت ان هو ده مجالى اللى اقدر فعلا ادّى فيه

وبعد كده اكتشفت محطة جديدة

هى الصحة النفسية وتطوير الذات والعلاقات

ومع الدراسة.. موهبتي فى فهم الشخصيات وفهم أسباب السلوكيات ساعدتني فى مساعدة الناس

وأنى أفهم أسباب المشاكل فى علاقاتهم وأفهم سبب عدم سعادتهم و عدم تأقلمهم مع حياتهم

قدمت عشرات الدورات.. ومئات الاستشارات فى مجال العلاقات الشخصية والأسرية

واعتبرت ان رسالتى فى الحياة هى أنى احط رشة سكر على حياة الناس 😊

وأساعدهم فى التخلص من مشاكلهم

وانهم يلاقوا نفسهم وينطلقوا

وينعموا بالسلام الداخلي

والحمد لله ناس كتير لمسوا فعلا التغيير الكبير اللى حصل

حكاية كورس بسكوتة

ودى آراء بعض اللى حضروا الدفعات السابقة من بسكوتة

workshop

بسكوتة 

أونلاين

وهيبقى فيها أوديو وفيديو وصور واختبارات...

وتقدرى تتابعيها فى أى وقت حسب ظروفك

ايه المميزات اللى هتحصلى عليها:

أولا الورشة مكثفة جدا ومليانة معلومات مهمة متقدمة بطريقة سلسة وبسيطة

ثانيا الورشة مليئة بالتفاعل وأوراق العمل والتدريبات العملية

هتعملى التدريبات والتمارين بنفسك وهنتشارك فى النقاشات

ثالثا هتحتفظي بالمادة العلمية للكورس للأبد عشان ترجعى لها فى أى وقت

All Posts
×

Almost done…

We just sent you an email. Please click the link in the email to confirm your subscription!

OK