Return to site

checklist

 

عن الغيرة والخناقات بين الأخوات

ايه العلاقة بين الأم الشاطرة وبين ال

checklist ؟ ❓
..........................................................
الأول خلينا نعرّف ال

checklist ..

ايه هى؟
هى ببساطة قائمة فيها بنود.. وجنب كل بند مكان لعمل علامة صح أو غلط 📋
أبسط مثال ليها اللى كلنا بنستعمله لما نبقى مسافرين
بنحضر قائمة فيها كل اللى المفروض ناخده معانا عشان ماننساش حاجة
واللى بنحطه فى الشنطة بنعلّم عليه صح ✅

طيب ايه بقى ال

checklist بتاعة الأمهات؟
نفس الفكرة بس مخصصة لتقييم مشكلة معيّنة بتواجه الأم
أو مخصصة لمساعدة الأم على الانتباه لبعض التفاصيل

مثلا ممكن يبقى فيه

 

checklist

تساعدنى أعرف ايه المهارات المناسبة لسن ابنى أو ايه اللى المفروض يتعلمه فى السن ده
أو تساعدنى أفهم سبب مشكلة بتواجهنى، مثلا مخصصة لسوء السلوك.. فيها أسئلة تساعدنى أفهم الغلط فين
أو تساعدنى على عمل روتين لولادى الصغيرين عشان مايفضلوش طول الوقت ماسكين الموبايل
أو تساعدنى أعرف أنا ايه نمط تربيتى وهل ده صح ولا لأ
...................
ليه بقى قلت أن فيه علاقة بين الأم الشاطرة وبين الchecklist؟
لأنها ساعات بتعرّف الأم حاجات مكانتش تعرفها وبالتالى مكانتش بتدوّر عليها أصلا 🤷‍♀️
يعنى مثلا كان فيه أم بتسألنى على حاجة تخص ابنها
قلت لها واضح انه محتاج يتعلم مهارات كذا..
قالت لى: هى ايه المهارات دى وألاقيها فين؟ 🧐
ساعات نفس الموقف ده بيحصل للأم نفسها فى حاجة تخصها
كتير بيسألونى فى مشكلة أقول لها الحل أنك تتعلمى مهارة الحسم مثلا أو مهارات التواصل...
برضو تقول لى: يعنى ايه وأتعلمها ازاى؟
....................
هنا المشكلة أننا بنبقى ساعات فيه حاجات محتاجينها، بس مش عارفينها
وبالتالى مش بنعرف نبحث عنها لا نلاقيها.. وبالتالى المشكلة مش بتتحلّ
عشان كده ال

checklist بتساعد جدا جدا
بتعرّفك ايه الحاجة اللى محتاجة تركزى عليها وتحطيها فى خطة تربيتك لولادك
أو فى خطتك لتطوير ذاتك
وده من أكتر الحاجات اللى بتخليكى أم شاطرة 👌
أن يبقى دايما عندك خطة للتطوير.. وخطة لحل المشاكل
....................

دى بقى checklist

مصممة خصيصا لمشكلة الغيرة والخناقات بين الأخوات

بتساعدك تعرفى ايه أهم اسباب المشكلة وأبدأ أحلها ازاى

👇تقدرى تحمّلي نسخة للطباعة من هنا

All Posts
×

Almost done…

We just sent you an email. Please click the link in the email to confirm your subscription!

OK