Return to site

!ليه عايز ياخد بس؟

· مقالات

- هو ليه دايما عايز ياخد بس؟ عمره ما بيدّى؟

- يمكن هو بيدّى بس بطريقته؟ بالطريقة اللى متصورها أنها الصح؟

- لأ، مش بيدّى خااالص، عايز ياخد بس.. بيدوّر طول الوقت على حقوقه، على احتياجاته، على اللى عايزه... مش بيبص أبدا غيره عايز ايه ولا محتاج ايه!! عمره ما بيفكر يسعد غيره، عايز وبس

- غالبا بتبقى مشكلة راجعة للطفولة، أنا مؤمنة كمان أن لها أصل فى الجينات، فعلا فيه بعض الأطفال بيبقوا self centered

جدا، مش بيقدروا يشوفوا أى حاجة غير نفسهم، هو كل الأطفال كده بس بنسب.. المشكلة بقى لما الأهل بدل ما يظبطوا الصفة دى للأسف بيخلوها تسوء أكتر.. يرضخوا للطفل، يلبوا له كل احتياجاته ورغباته بغض النظر عن مدى ملائمتها... وبالتالى بيصنعوا الشخصية دى

- طيب والحل؟ أنا هادفع ثمن أخطاء الأهل؟!

- لأ، انتى اعملى اللى عليكى، توقفى عن العطاء اللى ملوش آخر، بلاش تضحية مفرطة، بلاش يبقى كل همّك فى حياتك إرضاء حد، لأن فيه ناس مهما عملتى لها مش بترضى

- الدنيا بتتقلب عليا لما مش باعمل اللى عايزه

- ده كده أسلوب ضغط خدى بالك، ومادام بيتعمل يبقى بيجيب نتيجة، مش كده؟ زى الطفل اللى بيعيط عشان مامته تجيب له حاجة حلوة، لأنه عارف انها فى الآخر هترضخ وتجيبها

- آه فعلا

- وفيه حاجة كمان... اطلبى احتياجاتك.. لأن ساعات فيه ناس فعلا مش بتعرف تشوف احتياجات غيرها.. لازم تتطلب .. خليكى متوازنة .. ادّى.. وماتنسيش تاخدى

موضوعات مهمة

All Posts
×

Almost done…

We just sent you an email. Please click the link in the email to confirm your subscription!

OK