Return to site

بوصلة الشخصيات

round 3

هنفك مع بعض شفرة العلاقات والشخصيات المختلفة

ونعرف نتعامل مع كل أنماط البشر

· كورسات

خلافات... نقاشات... مشاكل.... خناقات....

مش عارفين نفهم بعض

مش قادرين نتواصل مع بعض

مش عارفة هم عايزين ايه

ولا عارفة أرضيهم ولا هم قادرين يريحوني

كل ده هننساه... وهنبدأ مع بعض نتعرف على أنماط الشخصيات

من خلال

بوصلة الشخصيات

الأسلوب اللى ساعد آلاف فى تحسين علاقاتهم مع الآخرين

وحل المشاكل المستمرة

سواء مع الأزواج أو الأبناء أو الأقارب أو الأصدقاء أو زملاء العمل....

أى نوع من العلاقات مفتاح التعامل معاه بيظهر من خلال البوصلة

لو عندك مشاكل مع الزوج.. و حاسة بإحباط وألم ..ومتضايقة من كتر الخناقات ونفسك تعيشى حياة هادية وسعيدة

أو عندك مشاكل فى التعامل مع ولادك ومش عارفة تتعاملى معاهم بشكل يخليهم يفهموكى ويستجيبوا ليكى

أو عندك مشاكل فى علاقاتك مع أى شخص

أو حتى مع نفسك.... مش لاقية نفسك.. مش عارفة تفهمى انتى مين بالظبط

مش عارفة تلاقى مجالات تفوقك ونقاط القوة اللى فى شخصيتك..

جربتى تحاولى معاهم باللين والهدوء .. وتفهمى هم عايزين ايه..

أو جربتى تعبرى عن رأيك وعن اعتراضك بقوة..

أو جربتي تاخدى موقف جامد..

أو جربتى تسكتى و تاخدى جنب..

أو جربتى تتعايشى وتتجاهلى المشاكل مؤقتا..

وفى كل مرة... مفيش حاجة بتتحل

وعلاقاتنا لسه زى ما هى

كل ده سببه أننا عاملين زى الكلمات المقاطعة

 

كل واحد مننا ماشى فى طريق و فى اتجاه ومش قادرين نتقابل

محدش قادر يشوف التاني ولا يفهم عايز ايه

 

بالظبط زى الخطوط المتوازية كده

بس المفاجأة بقى

ان الخطوط المتوازية ممكن تتقابل

مع شوية من اللين

زى الخطوط اللى على سطح كرة... فى الآخر بتتقابل

و ده اللى هنعمله فى البوصلة

هو ده الحل المبدع اللى بيساعد فى كل أنواع المشاكل وكل أنواع العلاقات وكل أنواع الشخصيات

الحل اللى هيعرفك مفاتيح اللى قدامك

ويوضح لك ليه كنا مش عارفين نتفاهم قبل كده

هنبدأ بأننا نحدد نمط شخصيتنا

ونعرف نقاط قوتنا ونقاط ضعفنا

وهنحدد كمان نمط شخصية الآخرين...كل اللى يهموكى:

...الزوج.. الأبناء.. الأصدقاء...الزملاء....الأهل

وهنعرف نقاط قوتهم ونقاط ضعفهم

وازاى أتعامل معاهم صح وأكسبهم

ازاى اتجنب الحاجات اللى بتقفلهم وتخليهم يعندوا

وازاى استخدم المفاتيح اللى بتجيب نتيجة معاهم

البوصلة هتخلينى أشوف نفسى بجد من جوه

و هنعمل خطة عمل لتطوير شخصياتنا

و كمان خطة محكمة للتعامل مع كل اللى يهموكي

هنعرف ليه فيه شخصية بتبقى جد وعايزة كل حاجة صح ومابتقبلش أعذار

وليه فيه شخصية شديدة وحازمة ومكهرب اللى حواليه دايما وعايز كل حاجة بسرعة

وليه فيه شخصية ساعات لطيفة وساعات كئيبة وساعات كسولة وبطيئة .. ومش عارفة أخليه يعمل حاجة

وليه فيه شخصية كل يوم بحال وكل شوية بفكرة جديدة .. بيعشق الحرية ومش قادر يستقر ويركز

وازاى نتعامل مع كل واحد فيهم.. بالشكل اللى يناسب شخصيته.. وفى نفس الوقت يحقق لى أهدافي من علاقتي بيه...

وأهم حاجة ... بشكل يحافظ على علاقتنا ببعض

هتلاقى نفسك قادرة تفهمى نفسك

وتفهمى اللى حواليكى

وعلاقاتك بقت أفضل

وأكيد ده هينعكس على حياتك كلها بشكل أفضل

مين اللى بيقدم الكورس؟

د. إيمان صلاح

هاحكى لك قصتى باختصار واقوللك انا مين وباعمل ايه

من زمان بحب الأطفال... وهم كمان بيحبونى... بنعرف نتصاحب

وانا فى ثانوى كان ليا صحاب اطفال

وكان عندى موهبة أنى أفهم شخصية الطفل اللى قدامى... وأعرف أتعامل معاه

بافهم بيحب ايه.. وبيكره ايه.. وبيخاف من ايه...

عشان كده لما كنت باطلب من الطفل حاجة... بيستجيب

لأنى فاهمة مفاتيحه وعارفة ايه اللى بيضايقه... وباتجنبه

مثلا اتعرفت على طفل شخصيته رائعة... قوى ومنطلق ومبدع

وطبعا كان عنيد جدا 😊

عشان كده لما كنت بحب أطلب منه حاجة... زى أنه يمسك ايدى واحنا بنعدى الشارع مثلا...

كنت باديله إحساس بالثقة...وبالسيطرة...مش باحسسه أنه طفل صغير وانى عايزة أحميه

بالعكس... ممكن أحسسه انى انا اللى محتاجة انه يمسك ايدى

وفى كل مرة بتبقى الاستجابة مبهرة 😊

وبعدين اتخرجت واشتغلت واتجوزت وبقى عندى اطفال....

وحسيت انى عايزة اقرأ ازاى اتعامل معاهم صح

وقرأت كتير لدرجة ان الموضوع استهوانى جدا

و كنت باتعلم كل ده عشان أطبقه مع ولادى فقط

لكن فى مرحلة معينة جاتلى فكرة: ليه مافيدش أمهات غيرى باللى تعلمته ده؟!

وبدأت أدرس فعلا بشكل ممنهج

وحسيت ان هو ده مجالى اللى اقدر فعلا ادّى فيه

وبعد كده اكتشفت محطة جديدة

هى الصحة النفسية وتطوير الذات والعلاقات

ومع الدراسة.. موهبتي فى فهم الشخصيات وفهم أسباب السلوكيات ساعدتني فى مساعدة الناس

أنى أفهم أسباب المشاكل فى علاقاتهم و أفهم سبب عدم سعادتهم و عدم تأقلمهم مع حياتهم

قدمت دورات واستشارات فى مجال العلاقات الشخصية والأسرية

واعتبرت ان رسالتى فى الحياة هى أنى احط رشة سكر على حياة الناس 😊

وأساعدهم فى التخلص من مشاكلهم

وانهم يلاقوا نفسهم وينطلقوا

وينعموا بالسلام الداخلي

والحمد لله أمهات وزوجات كتير لمسوا فعلا التغيير الكبير اللى حصل

و دى آراء بعض اللى حضروا كورس البوصلة قبل كده

  • بقيت لما اغضب باعرف اركز واوصل لسبب الغضب عشان اوقف الحالة دى..  
    وفرق معايا فى التعامل مع الناس وقبول اختلافاتهم
  • فرق جدا معايا في التعامل مع الاخرين وقبول الاختلاف بيني وبين الزوج
  • انا بقي الكورس بالنسبه ليا كان تفاصيل جهاد مع النفس و اكتشافات تحدي
  • بفضل الله ثم ماتعلمته كان له الاثر الكبير في تغيير فهمي واحتواء عقلي لجميع الطباع المختلفه لما وضحه الكورس من مفاهيم جلت في واقعي الكثير من الغموض
  • استفدت كتيررر وكمان بقول لاخواتي عليه وبقوا يهتمو ويسألو ربنا يبارك فيكي ويزيدك علم
  • الصراحة مكنش عندى اى فكرة عن الموضوع مع العلم انى على طول بقرأ فى تنمية الذات.
    ساعدنى كتير فى فهم ابنى وطريقة تعاملى معاه اتحسنت.صحيح ساعات برجع لورا.بس مش نفس الطرق السابقة. وباحس انى بتفهم شخصيات ناس كده من كام قاعدة معاهم.
    وبابقى متفهمة ازاى بيفكروا
  • فرق معايا طبعا والحقيقه اني سمعت الكورس من اكتر من حد بس ولا مره فهمته من حد الا حضرتك. عرفت نفسي اكتر ، بدأت اقلل من حد اللي بعمله وبقيت افهم الي معايا ان الاختلاف ما بينا في بوصله الشخصيه هو اساس المشكله فلازم نفهم طبيعه بعض ونتأقلم على الوضع
  • بقيت فاهمه نفسي اكتر وفاهمه اللي حواليه وخصوصا زوجي.. في حاجات كتير كنت بستغلطه وبستغرب هو ليه بيعمل كده بس اما سمعت الكورس فهمت وعرفت ازاي اتعامل معاه ايه اللي يحبه و ايه اللي يكرهه ..... 
    واحد فتره كل ما تعامل مع حد اقعد احلل في شخصيته 
    😅
  • فهمني حاجات اكتر عن نفسي
  • ياااه انا تعلمت وفهمت كتيير اوي اوي كنت اول مرة اسمع عن البوصلة فرقت كتيير في تعاملي مع جوزي واولادي ...واي حد ....واتغيرت في اسلوبي في التعامل وبقي هدفي مش اني اغير من الغير لا اني اوجد الاسلوب المناسب للتعامل معاه حسب نمطه في البوصلة......وفهمت نفسي واحتياجتي كمان ...جزاكي الله خيرا يادكتورة ايمان وبارك الله فيك ونفع بك وزادك علما 
  • الحمد لله فرق معى كتير فهمت نفسى اكتر عرفت نقاط القوة إللى فى شخصيتي ونقاط الضعف وعرفت اقويها ازاى و اعرف أقرأ الشخصيات إللى قدامى.. ومش مهم اغير إللى قدمى لأنها طبيعته لكن اغير أسلوب التعامل معه. فعلا الكورس أثر فيا جدا وفى رؤيتى لنفسى و المحيطين بي. جزاكى الله كل خير دكتوره ايمان
  • انا كنت دايما اسمع عن البوصلة الشخصيه ولكن كنت اول مرة احضر كورس فعليا
    فهمت كتير عن نفسى وعن اللى حواليا وكان بدايه ليا فى التعامل مع الناس بالتقبل ولو حاولت اغير من حد بيكون بالتدريج وبما يتماشى مع شخصيته
  • بصراحه جزاكي الله كل خير يا دكتوره ايمان بصراحه ركزت مع نفسي ومع جوزي وفهمت شخصيته إلي حد كبير فبقيت أهدأ ونفسيتي الحمد للّه اريح كتير

الكورس عن بعد
( تلجرام )

يعنى ماتشيليش هم المكان ولا المواعيد

هيكون فيه قناة تلجرام تنزل عليها المحاضرات
( أوديو وفيديو وصور ومواقف ...)

وهتنضمى بعدها لجروب مغلق للدعم والصحبة :)

و كمان هتقدرى تحتفظى بالمادة العلمية كلها على قناة تلجرام عشان ترجعى لها فى أى وقت بعد كده)

الكورس هيكون 6 أيام:

ابتداء من يوم الأحد 16 فبراير

كل أحد وأربعاء

يعنى أيام 16- 19- 23 - 26 فبراير

و 1 و4 مارس

الكورس قيمته أصلا 700 جنيه

ولو اشتركتى قبل الجمعة 14 فبراير هيكون 400 فقط

للاشتراك:

بيتم تحويل قيمة الكورس عن طريق فودافون كاش او تحويل بنكي

- فودافون كاش إلى رقم 01020715418
(ملحوظة: الرقم ده ليس للتواصل و لا تليفونيا و لا واتساب, أى تواصل بيبقى عبر الفيسبوك فى رسالة انبوكس)

- أو تحويل بنكى إلى حساب رقم 36000756976 البنك الأهلى, فرع روكس (بطرس غالى), باسم/ إيمان صلاح الدين فوزى محمد

و بعدها إرسال رسالة إلى صفحة الفيسبوك فى اللينك ده

https://www.facebook.com/أكاديمية-تنمية-دإيمان-صلاح-146650595383317/?ref=bookmarks

(فيها صورة ايصال التحويل (او صورة رسالة التحويل اللى جات لك على الموبايل

لو عايزة تستفسرى عن اى حاجة ابعتى رسالة لصفحة الفيسبوك اللى هتلاقيها لما تضغطى على اللينك ده

https://www.facebook.com/أكاديمية-تنمية-دإيمان-صلاح-146650595383317/?ref=bookmarks

All Posts
×

Almost done…

We just sent you an email. Please click the link in the email to confirm your subscription!

OK